تخيل طائر عملاق بحجم الانسان، قادر على افتراس التماسيح الصغيرة بمنقاره الحاد! الطائر ده اسمه “أبو مركوب”، وبيعيش في مناطق معينة من افريقيا، لكنه مش مجرد طائر عادي، ده اشبه بكائن من عصور الديناصورات.
فين بيعيش الطائر المخيف ده؟
الطائر ده بينتشر في المستنقعات الافريقية، خاصة في جنوب السودان واوغندا، بيحب الاماكن المليانة مياه ضحلة وعشب طويل، وده بيساعده يختبئ وينقض على فريسته فجأة.
قدرات صيد مدهشة تخليه ملك المستنقعات
ابو مركوب مش بس شكله مرعب، لكنه صياد بارع، بيقدر يفضل ثابت لفترات طويلة، ولما يشوف فريسته، بينقض عليها بسرعة رهيبة، المنقار القوي بتاعه بيكسر عضم الفريسة بسهولة، وده اللي بيخليه خطر على التماسيح الصغيرة.
هل الطائر ده خطر على البشر؟
رغم مظهره المخيف، ابو مركوب مش عدواني تجاه البشر، لكنه مش اجتماعي، ولو حس بالخطر ممكن يدافع عن نفسه بقوة. الافضل عدم الاقتراب منه او ازعاجه.
لماذا يشبه هذا الطائر الديناصورات؟
السبب وراء التشابه المذهل بين ابو مركوب والديناصورات هو شكل جمجمته الضخمة ومنقاره الحاد، اللي بيشبه فكوك المفترسات القديمة. العلماء بيعتبروا الطائر ده من الاحافير الحية، لانه ما تغيرش كتير عن اسلافه من ملايين السنين، وجوده لحد النهاردة يعتبر معجزة علمية حقيقية!!
كائن اشبه بالديناصورات في عالمنا الحديث
لو شفت الطائر ده في الطبيعة، هتحس انك رجعت ملايين السنين لعهد الديناصورات، وهو واحد من الكائنات النادرة اللي لسه محافظة على شكلها البدائي. هل كنت تعرف ان في طائر بالحجم ده ولسه موجود لحد النهاردة؟!!