الخضروات الورقية زي البقدونس، الكزبرة، الشبت، والجرجير مكون اساسي في اغلب الاكلات، لكن المشكلة انها بتدبل بسرعة وبتبقى غير صالحة للاستخدام بعد كام يوم، عشان كده، لازم تستخدمي طرق ذكية تحافظ عليها طازجة لاطول فترة ممكنة.
الطريقة الاولى: الحفظ في برطمان مياه
طريقة سهلة وفعالة جدا، وهي انك تحطي الخضرة في برطمان زجاجي مليان مياه زي ما بتحطي الورد. الطريقة دي بتحافظ على النضارة وبتخليها تدوم لفترة اطول، اهم حاجة تغيري المياه كل يومين عشان متتعفنش.
الطريقة الثانية: التخزين بالمناديل الورقية
المناديل الورقية بتساعد على امتصاص الرطوبة اللي بتخلي الخضروات تدبل بسرعة، كل اللي عليكي تعمليه هو غسل الخضرة وتجفيفها كويس، وبعدها تلفيها في مناديل ورقية وتحطيها في كيس بلاستيك داخل التلاجة. النتيجة؟ خضرة طازجة لايام طويلة.
الطريقة الثالثة: التجميد بعد التجفيف
لو عايزة تخزنيها لشهور، جربي غسلها كويس، وتجفيفها تماما، وبعدها تحفظيها في اكياس محكمة الاغلاق داخل الفريزر، عند الاستخدام، هتلاقيها محتفظة بنفس الطعم والقيمة الغذائية.
دلوقتي الخضرة عندك هتفضل طازجة لاطول وقت
مش هتحتاجي ترمي الخضروات الورقية تاني. جربي اي طريقة من دول حسب احتياجاتك، وهتشوفي الفرق بنفسك، هتحافظي على الاكل طازج، وتوفري فلوسك، وتلاقي الخضرة جاهزة للاستخدام في اي وقت بدون ما تفسد بسرعة!!
طريقة اضافية لحفظ الخضروات طازجة
لو حابة تخلي الخضروات الورقية تعيش لفترة اطول، جربي طريقة الحفظ في علبة محكمة الغلق، اغسلي الخضرة كويس، وجففيها تماما، وبعد كده رصيها في علبة بلاستيك وحطي معاها منديل ورقي، المنديل هيمتص اي رطوبة زائدة، وده هيحافظ على نضارتها، الطريقة دي مثالية لو بتستخدمي الخضرة بشكل يومي وعايزة تفضل فريش لاطول وقت.