في عالم الحيوانات، فيه كائنات بتفاجئنا بقوتها وشراستها، لكن الطائر ده تحديدا مختلف تماما، الطائر المرعب ده معروف باسم “أبو مركوب”، وبيعيش في بعض مناطق إفريقيا، لكنه مش مجرد طائر عادي، ده كائن مفترس بيقدر يبتلع التماسيح الصغيرة بالكامل!!
كيف يصطاد فريسته بوحشية؟
أبو مركوب طائر ضخم، طوله ممكن يوصل لمتر ونصف، ومنقاره قوي لدرجة انه بيكسر عظام الفرائس بسهولة، لما بيشوف فريسته، بينقض عليها بسرعة رهيبة، وبيبتلعها في لحظات. العلماء وثقوا حالات للطائر ده وهو بيصطاد التماسيح الصغيرة وبيأكلها بدون أي تردد.
لماذا يجب الابتعاد عنه؟
على الرغم من ان الطائر ده نادر وميهاجمش البشر، لكنه عدواني جدا لو حس بالتهديد، اقترابك منه ممكن يخليه يهجم عليك بمنقاره الحاد اللي يقدر يسحق أي شيء في طريقه، ده غير ان حجمه الكبير بيخليه واحد من أكتر الطيور رعبا في العالم.
معلومات أغرب عن الطائر المرعب!!
- يقدر يفضل واقف بدون حركة لساعات طويلة، وده بيخلي فرائسه متوقعش انه بيراقبها.
- صوته يشبه صوت طلقات الرصاص بسبب اصطدام منقاره ببعضه.
- رغم شكله المرعب، لكنه طائر نادر ومهدد بالانقراض.
هل تجرؤ على مواجهته؟!!
مظهره يوحي انه خرج من عصر الديناصورات، ولو صادفته في رحلات السفاري، متحاولش تستفزه، لأنه واحد من أخطر الطيور على الكوكب!!
اكتشاف مخلوق أشبه بالوحوش الأسطورية!!
العلماء ما زالوا بيدرسوا الطائر ده، لكن المؤكد انه واحد من أغرب وأخطر الطيور اللي ممكن تشوفها في حياتك، لو لقيته قدامك، النصيحة الوحيدة: متحاولش تبقى بطل، اهرب فورا قبل ما يتحول انت للفريسة!!