كلنا بنحب كفتة الحاتي المشوية اللي بتكون طرية من جوه ومشوية بوش جميل من بره، لكن لما بنحاول نعملها في البيت، الطعم بيكون مختلف ومش بتطلع بنفس القوام اللي بناكله في المطاع، السر في الموضوع مش بس في التوابل، لكن في مكون سحري بسيط موجود في مطبخك، بيخلي الكفتة طرية، متماسكة، وبتاخد طعم الشوي الرائع!
المكون السحري اللي بيخلي الكفتة طرية ومميزة
المكون اللي بيستخدمه الحاتي هو العيش البلدي المبلل! العيش بيضيف رطوبة طبيعية للكفتة وبيخليها ماسكه نفسها وطرية من جوه بدون ما تفك أو تنشف أثناء الشوي، وده السر اللي بيخلي كفتة الحاتي مختلفة تمامًا عن الكفتة العادية.
طريقة عمل كفتة الحاتي الأصلية في البيت
المكونات:
- نصف كيلو لحمة مفرومة بنسبة دهون متوسطة
- رغيف عيش بلدي صغير (منقوع في ماء ثم معصور كويس)
- بصلة كبيرة مبشورة ومصفاة من الماء
- ملعقة صغيرة ملح
- نصف ملعقة فلفل أسود
- ملعقة صغيرة بهارات كفتة
- نصف ملعقة صغيرة بابريكا
- ملعقة كبيرة زيت
الطريقة:
- اخلطي المكونات كلها كويس جدًا في الكبة لحد ما تحصلي على خليط متجانس.
- بللي إيدك بالماء وشكلي الكفتة على أسياخ خشبية أو معدنية.
- سخني الجريل أو الفحم، وادهني الكفتة بالزيت، واشويها مع التقليب المستمر.
- قدميها ساخنة مع العيش البلدي والطحينة واستمتعي بألذ طعم زي المطاعم.
جربي الطريقة دي، وهتشوفي الفرق بنفسك! كفتة طرية، مشوية، وطعمها لا يقاوم، وهتعمليها في البيت أحسن من المطاعم!