في خطوة مهمة لحماية المستهلكين، وجهت هيئة حماية المستهلك الروسية تحذيرًا لمنتجي الشاي، بضرورة تطهير منتجاتهم من بقايا المبيدات الحشرية، بعد ما تم العثور على نسب ضارة منها في أنواع شاي شهيرة بالأسواق التحذير ده بيأكد إن مش كل كوباية شاي بنشربها آمنة زي ما بنفتكر، وخصوصًا لما يكون الشاي في أكياس.
أكياس الشاي.. خطر خفي على صحتك
بحسب تصريحات الدكتورة يلينا سولوماتينا، خبيرة التغذية الروسية، فإن أكياس الشاي تعتبر من أخطر الأنواع المتداولة، مش بس علشان نوعية الشاي اللي فيها، لكن كمان علشان المادة المصنوعة منها الأكياس نفسها، اللي ممكن تحتوي على جزيئات بلاستيكية ضارة كمان، أكياس الشاي ممكن تتعرض للعفن بسهولة بسبب التخزين، وده بيزيد من احتمالية وجود مواد سامة فيها. علشان كده، يُفضّل البعد عن استخدامها بشكل دائم.
اختيار الشاي الأفضل والصحي
الخبيرة بتنصح باستخدام الشاي ذو الأوراق الكبيرة، خصوصًا اللي بييجي في علب شفافة تقدر تشوف من خلالها جودة الورق كمان، ضروري التأكد من تاريخ الصلاحية الشاي الأخضر يعتبر أفضل من الشاي الأسود في بعض الحالات، لأنه يحتوي على نسبة أعلى من الأحماض الأمينية والكافيين، اللي بيساعدوا في زيادة التركيز والنشاط.
الاعتدال هو الأساس
ورغم فوائده، من الضروري شرب الشاي باعتدال، بحد أقصى 4 أكواب يوميًا وتجنب الشاي المركز لأنه ممكن يسبب اضطراب في ضربات القلب ويأثر على الأعصاب كمان لازم نخزن الشاي بعيد عن الرطوبة وأشعة الشمس، لأنه بيتأكسد بسرعة، وده بيخليه مضر جدًا على الصحة.