مع اقتراب عيد الأضحى، تبدأ ربات البيوت في تجهيز البيت وتنظيفه من كل ركن، وده بيكون مرهق خصوصًا لما تلاقي بقع عنيدة أو أواني محروقة علشان كده، جايبين لك وصفة عبقرية بمكونات موجودة في كل بيت، هتساعدك تخلصي من الدهون والبقع بسهولة، وهي خلطة البيبسي مع معجون الأسنان هتشوفي النتيجة بنفسك من أول مرة، وكل اللي حواليكي هيسألوك عن السر!
مكونات الوصفة
- زجاجة بيبسي صغيرة
- ملعقة كبيرة من معجون الأسنان
- نصف كوب سائل تنظيف
- ملعقة من البيكنج بودر
- بخاخ
- سلك مواعين
طريقة التحضير والاستخدام
افتحي زجاجة البيبسي وضيفي فيها معجون الأسنان، وقلّبيهم كويس بعد ما ترجّي الزجاجة شوية لحد ما المعجون يدوب فرّغي الخليط في وعاء، وضيفي عليه سائل التنظيف والبيكنج بودر، وقلّبي الخليط لحد ما يمتزج حطي المزيج في بخاخ، وابدئي رش الأواني، الأحواض، الحنفيات، وحتى الفرن.
افركي بسلك المواعين واغسلي، وهتتفاجئي قد إيه المطبخ بقى نظيف ولامع، ومن أول استخدام كمان كمان ممكن تشغّلي الفرن 10 دقايق قبل الرش لو فيه دهون عنيدة، هتتشال في ثواني.
فوائد الوصفة السحرية
الوصفة دي مش بس بتلمع، دي كمان بتشيل الدهون، تلمع الحنفيات، تنظف الأحواض والحمامات والفرن، وتقضي على أصعب البقع من أول مرة.