في قلب الطبيعة الإفريقية، بيعيش طائر غريب مفيش زيه، شكله مرعب وسلوكاته أغرب، وبيتصدر الترند كل ما حد يشوفه! اسمه “أبو مركوب” أو زي ما بيتقال عليه “بجع الموت” طوله زي طول الإنسان، وبيتغذى على تماسيح صغيرة! تعالوا نعرف أكتر عن الطائر اللي شكله لوحده يخوف ويفتن في نفس الوقت.
مواصفات الطائر العملاق
طائر “أبو مركوب” طوله يوصل لمتر ونص، ووزنه حوالي 7 كيلو جناحاه بيمتدوا لأكتر من 2.3 متر، لكن أكتر حاجة بتميزه هو منقاره الكبير اللي واخد شكل النعل، وده اللي خلاه يتسمى بأسماء غريبة زيه، زي “أبو سقاقة” أو بجع الموت مظهره فعلاً مختلف عن أي طائر تاني، وده اللي بيخليه مصدر رعب ودهشة في نفس الوقت.
أكل التماسيح؟ فعلاً!
بيعيش “أبو مركوب” في الأهوار الإفريقية من السودان لأوغندا، وبيتغذى على كل حاجة تقريبًا: أسماك، ضفادع، تماسيح صغيرة! منقاره الضخم بيخليه يقدر يقطع فريسته بسهولة، وده بيديله قوة كبيرة في بيئته.
سلوكاته الغريبة وتكاثره
رغم حجمه الكبير، إلا إنه مش بيحب يهاجر، ويفضل يعيش في أماكن فيها أكل يقدر يطير لكن بانزلاق على المية أنثى “أبو مركوب” بتبيض من بيضة لتلاتة، والزوجين بيتعاونوا في حضانة البيض ورعاية العش.
هل ممكن يختفي؟
للأسف، طائر “أبو مركوب” مهدد بالانقراض بسبب تدمير بيئته الطبيعية وتغير المناخ علشان كده، لازم نحافظ على الطيور النادرة دي ونوفر لها الحماية المطلوبة.