رغم إن الشطاف بقى من الأساسيات في كل حمام بالدول العربية والآسيوية، إلا إنك هتتفاجئ لما تعرف إن كتير من الحمامات في أوروبا مفيهاش شطاف خالص! الأوروبيين بيعتمدوا على ورق التواليت بس بعد قضاء الحاجة، وده بيخلي ناس كتير تتسائل: ليه مش بيستخدموا الشطاف؟ وإيه الأسباب اللي خلت الفكرة دي ما تنتشرش عندهم؟
خلفية ثقافية وتاريخية مختلفة تمامًا
الاستخدام التاريخي للمياه في النظافة الشخصية مش جزء من ثقافة أوروبا، بعكس البلاد الإسلامية والآسيوية اللي بتشجع على النظافة بالمياه بحكم الدين والعادات الأوروبيين اتعودوا على ورق التواليت، وده بقى جزء من روتينهم الطبيعي.
تصميم الحمامات وتكلفة التعديل
حمامات كتير في أوروبا تصميمها مش بيسمح بتركيب شطاف، وعلشان يركبوه محتاجين تعديلات بتكلفة إضافية، وناس كتير مش شايفة إنها ضرورية كمان الحمامات الصغيرة مش بتستوعب أجهزة إضافية زي دي.
الراحة والاعتياد أهم من التغيير
مع مرور الوقت، أصبح استخدام ورق التواليت عادة متأصلة، والأوروبيين مش شايفين حاجة تستدعي التغيير، لأنهم مرتاحين على كده ومش شايفين إنه أقل نظافة.
هل في تغيير بيحصل؟
رغم إن في بعض الأماكن السياحية زي الفنادق بدأت تستخدم الشطاف تلبية لاحتياجات الزوار، إلا إن انتشاره على نطاق واسع في أوروبا لسه صعب، وبيحتاج وقت وتقبل ثقافي أكبر.