كتير من الناس بيقعوا في نفس المشكلة أثناء الطبخ، وهي إنهم يزودوا الملح من غير قصد، وده بيخلي الطعم يتغيّر تمامًا، ويمكن يوصل لدرجة إنك تفكري ترمي الطبخة كلها لكن متقلقيش، لأن في شيف سعودي محترف قدّم مجموعة من الحلول الذكية والعملية اللي هترجع الأكلة لطعمها الطبيعي من غير أي خسارة.
البطاطس أو الأرز: سر امتصاص الملح الزائد
أول طريقة فعالة هي استخدام البطاطس النيئة أو شوية أرز، لأنهم بيمتصوا الملح الزيادة من الطبخة كل اللي عليكي تعمليه هو تحطي شرايح بطاطس أو ملعقتين أرز في الأكل وتسيبيهم حوالي ربع ساعة، وبعد كده شيليهم هتلاحظي فرق كبير في الطعم.
الليمون والخل: الحموضة بتكسر حدة الملح
معلقة صغيرة من عصير الليمون أو نقطة خل ممكن تظبط الموقف. الحمض بيقلل تأثير الملح على اللسان وبيخلي طعم الأكل أهدى وألذ.
المية أو المرق: تخفيف طبيعي وسريع
لو الأكلة فيها شوربة أو صوص، زودي شوية مية أو مرقة من غير ملح، وده هيوزع الطعم ويقلل من تركيز الملح.
بهارات متوازنة: غطي على الطعم الزائد بحِرِفية
لو الطعم لسه مش مضبوط، جربي تضيفي شوية توابل زي الكمون أو الكزبرة، هتخلي الطعم أغنى وتقلل الإحساس بالملوحة.