لو نفسك تغيري لون شعرك من غير مواد كيماوية أو ضرر يبقى لازم تجربي طريقة صبغ الشعر بالحناء لأنها من أقدم وأأمن الوسائل الطبيعية لتلوين الشعر ومش بس كده دي كمان بتغذي الشعر وتقويه وبتدي لون ثابت ولامع وكل ده بمكونات سهلة ومتوفرة في البيت وكمان من غير أكسجين ولا صبغات صناعية
صبغ الشعر بالحناء والكركديه للون أحمر جذاب
من أشهر الخلطات الطبيعية في طريقة صبغ الشعر بالحناء هي خلطة الكركديه والحناء اللي بتدي لون أحمر غني نخلط ملعقتين حناء مع ملعقة كركديه مطحون ونضيف زيت الزيتون وزيت اللوز وزيت الأرجان مع جل الصبار والفازلين نقلب الخليط كويس لحد ما يبقى ناعم ومتجانس ونوزعه على الشعر بالكامل ونسيبه نص ساعة وبعدين نغسله بالمية والشامبو
خلطة الحناء وشاي البابونج لتفتيح لون الشعر
لو حابة لون أفتح ممكن تستخدمي طريقة صبغ الشعر بالحناء مع شاي البابونج نخلط ملعقتين من الحناء مع شاي البابونج والكركم ونضيف عصير ليمون وزيت الزيتون وزيت اللوز وجل الألوفيرا ونزود شوية مية ساخنة علشان المزيج يتجانس ونسيبه على الشعر تلاتين دقيقة وبعد كده نغسله كويس والنتيجة بتكون لون ناعم طبيعي ومغذي للشعر
لون طبيعي ولمعة مميزة من أول استخدام
لما تلتزمي باستخدام طريقة صبغ الشعر بالحناء مرة كل شهر هتلاقي شعرك شكله اتغير بقى لونه حلو ولمعانه طبيعي وكمان صحته بقت أحسن بكتير من الصبغات الجاهزة اللي بتجهد الشعر وتسبب تساقطه