رغم إن قصافة الأظافر دايمًا بنشوفها مجرد أداة بسيطة لتقليم وتنظيف الأظافر، إلا إنها في الحقيقة ممكن تتحول لأداة خارقة في البيت لو عرفنا نستخدمها صح كتير من الناس مش واخدين بالهم إنها ممكن تساعدهم في الكروشيه، فتح الزجاجات، تنظيم الخيوط، وحتى تثبيت الموبايل في المقال ده، هنتعرف على استخدامات جديدة وعملية للقصافة هتخليك تبص لها بشكل مختلف تمامًا.
مساعدة في الكروشيه وتنظيم الخيوط
من الاستخدامات الذكية للقصافة إنها بتساعد في شغل الكروشيه ممكن تثبت الخيط في فتحتها وده بيخلّي سحبه أسهل ومن غير تشابك الطريقة دي مفيدة جدًا للي بيشتغلوا أعمال يدوية وبيحتاجوا يظبطوا الخيط على طول.
فتح البرطمانات والزجاجات والكراتين
الجزء المعدني المنحني في القصافة ممكن تستخدمه كأداة لفتح زجاجات المياه الغازية أو حتى البرطمانات الصعبة كمان لسان القصافة ينفع لقطع الشريط اللاصق اللي بيكون على الكراتين من غير ما تحتاج مقص أو سكين.
تثبيت الموبايل وبديل لقص الأسلاك
لو عايز تتفرج على فيديو ومش لاقي ستاند للموبايل، تقدر ببساطة تحطه بين فكي القصافة وهتبقى مثبتة ممتازة كمان في حالة الطوارئ، القصافة ممكن تشتغل كبديل مؤقت لقص الأسلاك الرفيعة.