في وقت بقى فيه الإندومي من أكتر الوجبات السريعة اللي بيعتمد عليها الشباب والأطفال، بدأت ناس كتير تقلق من المكونات الجاهزة وتدور على بديل بيتي آمن وطعمه أحلى ولو إنتي كمان نفسك تعملي إندومي في البيت بنكهة خطيرة وسهلة التحضير، الوصفة دي ليكي! هتعرفي تحضريه بمكونات بسيطة ومتوفرة في كل بيت، وكمان هتقدري تتحكمي في طعمه وجودته على طريقتك.
المكونات اللي هتحتاجيها في الوصفة
- نص كيلو مكرونة اسباجيتي رفيعة.
- مجموعة توابل مميزة: فلفل أسود، كمون، كاري، كركم، بابريكا، بودرة بصل، بودرة ثوم، شطة حسب الرغبة، مرقة دجاج، وملح.
- خضار متنوع زي الجزر، البصل، الفلفل.
- قطع دجاج أو لحم مطهية مسبقًا.
- شوية زيت نباتي.
طريقة التحضير خطوة بخطوة
- اسلقي المكرونة 3/4 سوى في مياه فيها ملح وزيت، وصفيها.
- في طاسة سخني الزيت، وضيفي كل التوابل وقلبيهم لحد ما الريحة الحلوة تطلع.
- نزلّي المكرونة وقلبي كويس لحد ما تتغلف بالتوابل.
- حطي الخضار واللحمة أو الدجاج وقلّبيهم من 5 لـ7 دقايق لحد ما يستووا تمام.
- قدّميها سخنة وزيّنيها بالبقدونس أو الكزبرة حسب ذوقك.
نصايح لنتيجة أروع
ممكن تضيفي بيضة مسلوقة، تونة، أو صوص صويا عشان تنوعي الطعم.
لو عملتي كمية كبيرة، خزّني الباقي في التلاجة لأيام الجوع المفاجئ.