ممكن في أي وقت تتعرض لموقف بسيط لكن مزعج جدًا زي إنك تنسى مفتاح باب البيت، أو مفتاح دولاب مهم، وساعتها أول حاجة بتيجي في بالك إنك تكسر القفل علشان تقدر تدخل بس الحقيقة إن في طرق بسيطة وسريعة تقدر تفتح بيها القفل من غير ما تسبب أي ضرر للباب أو القفل نفسه، المهم إنك تستخدم الطرق دي على الحاجات اللي تخصك فقط، علشان ما تقعش في مشكلة قانونية.
فتح القفل باستخدام كارت قديم
واحدة من أسهل الطرق هي إنك تستخدم كارت بلاستيكي زي كارت البنك أو البطاقة التموينية، ويفضل يكون كارت قديم مش محتاجه علشان ممكن يتكسر كل اللي عليك تعمله إنك تدخل الكارت بين الباب والقفل عند لسان الباب وتحركه بلطف، ومع شوية تحريك للباب نفسه هتلاقي القفل فتح بسهولة.
طريقة المفك لفتح القفل
لو معاك مفك براغي صغير، ممكن كمان تستخدمه عن طريق إدخاله في مكان المفتاح وتحريكه بلطف كأنك بتلف المفتاح الطريقة دي فعالة جدًا خاصة في الأقفال البسيطة اللي ما فيهاش أمان عالي.
تحذير مهم لحمايتك وحماية غيرك
الطرق دي لازم تستخدمها بس في الأبواب أو الأقفال اللي تخصك ولو شفت حد بيحاول يفتح باب مش بابه بالطريقة دي، لازم تتأكد من هويته علشان ممكن يكون بيحاول يسرق الحذر واجب!