كتير من السيدات بيدوروا على وصفات طبيعية تعالج التجاعيد وتدي للبشرة نضارة من غير مواد كيميائية وفعلاً، بذور الكتان تعتبر كنز طبيعي بفضل احتوائها على مضادات أكسدة قوية وأحماض دهنية بتساعد على تأخير علامات التقدم في السن وتحفيز إنتاج الكولاجين، وده اللي بيخلي البشرة مشدودة وناعمة ومليانة حيوية.
ماسك يومي لمحاربة التجاعيد بفعالية
لتحضير ماسك فعال في مقاومة التجاعيد، هتحتاجي: ملعقة كبيرة من بذور الكتان المطحونة، ملعقة صغيرة من عصير الليمون، نصف ملعقة نشا، وملعقة صغيرة من جل الصبار امزجي المكونات كويس لحد ما يبقى القوام سميك، ووزعيه على وشك لمدة ساعة بعد ما ينشف، افركيه بلطف لإزالة الخلايا الميتة، وبعدها اغسلي وشك بمياه باردة وادهني بشرتك بزيت بذور الكتان لترطيب مضاعف.
ماسك سريع للناس المستعجلة
لو وقتك مش سامح، اغلي ملعقتين من بذور الكتان في 3 أكواب مياه لحد ما يتحول لقوام جل، وبعدها صفيه واحتفظي بيه في برطمان استخدميه لمدة 15 دقيقة على بشرتك وهيتم امتصاصه بسرعة، فيديك نضارة فورية وترطيب فوري.
فوائد ماسك بذور الكتان لبشرة صحية
الماسك ده بيساعد على تفتيح البشرة، التخلص من التصبغات والبقع، بيحافظ على الرطوبة، وبيمنع الترهلات لأنه بيعزز مرونة الجلد وينظف المسام بعمق.
الاستخدام المنتظم بيصنع الفرق
لو استخدمتي الماسك ده يوميًا، هتلاحظي فرق كبير في نضارة وشك وشكله الشاب في وقت قصير جدًا.