ظهور البرص أو “أبو بريص” في البيت بيكون مزعج جدًا وبيسبب حالة من القلق والخوف، وده لأنه من الزواحف اللي بتنقل البكتيريا وممكن تكون سبب في تلوث المكان علشان كده، بنقدملك طرق طبيعية فعالة وآمنة، تقدر تستخدميها من غير ما تأذي ولادك أو الحيوانات الأليفة، وكمان من غير ما تلجئي للمبيدات الكيميائية.
الفلفل الحار: طارد طبيعي وقوي
اخلطي ملعقة كبيرة من الفلفل الحار المطحون مع كوب مية، وحطيهم في بخاخ رشي الأماكن اللي ممكن يطلع منها البرص زي الزوايا، ورا العفش، أو جنب الشبابيك والأبواب الكابسيسين اللي في الفلفل بيزعج البرص جدًا، وبيخليه يهرب فورًا من المكان.
كرات النفثالين: سلاح الريحة القوية
حطي كرات النفثالين في أماكن زي خلف الأجهزة، وإطارات الشبابيك، والزوايا الرطبة ريحتها النفاذة بتطرد البرص لأنه مش بيقدر يتحملها بس خدي بالك تبعديها عن متناول الأطفال أو الحيوانات.
الثوم والملح: وصفة منزلية فعالة
اهرسي شوية فصوص ثوم (حوالي 4 أو 5)، وخلطيهم مع ملعقتين ملح خشن وزعي الخليط في الزوايا أو أماكن تواجد البرص الريحة القوية بتأثر على حواسه وبتخليه يهرب.
خطوات وقائية مهمة جدًا
اقفلي أي فتحات أو شقوق في الجدران أو حوالين الشبابيك باستخدام السيليكون أو الأسمنت الأبيض كمان، قللي الإضاءة الخارجية لأنها بتجذب الحشرات اللي بيتغذى عليها البرص ونظفي المطبخ باستمرار علشان تمنعي أي بقايا أكل ممكن تجيب حشرات وبالتالي البرص.