البشرة بتحتاج دايمًا لعناية مستمرة علشان تفضل ناعمة وحيوية وده بيكون صعب وسط التعرض اليومي للتلوث والإجهاد والتقلبات الجوية ومن أفضل الحلول الطبيعية اللي بتساعد على تجديد البشرة وتفتيحها هو استخدام القهوة كمقشر طبيعي لأنها مش بس بتزيل الجلد الميت لكنها كمان بتنشط الدورة الدموية وبتخلي نسيج البشرة أنعم وملمسها أرق ومع الاستخدام المنتظم مرتين في الأسبوع بيبان الفرق بسرعة في النضارة والتألق
ماسك القهوة وزيت الزيتون والزبادي لتقشير وترطيب البشرة
لو محتاجة وصفة ترطب بشرتك وتديها نضارة في نفس الوقت جربي تخلطي ملعقة كبيرة من القهوة مع ملعقة من زيت الزيتون وملعقة من ماء الورد بعد كده ضيفي ملعقتين من الزبادي وملعقة صغيرة من عصير الليمون واخلطيهم كويس لحد ما يبقى الخليط ناعم افردي الماسك على بشرتك وسيبيه 10 دقايق بعدين دلكي بلطف بحركات دائرية واغسلي بمياه دافية النتيجة بتكون بشرة ناعمة ونضرة من أول مرة
ماسك القهوة مع اللبن الرائب والعسل لتغذية البشرة وتنعيمها
لو بتدوري على ماسك يغذي ويفتح في نفس الوقت اخلطي ملعقة كبيرة من القهوة مع 3 ملاعق من اللبن الرائب وضيفي ملعقة صغيرة من العسل وملعقة صغيرة من عصير الليمون افردي الخليط على بشرتك وسيبيه من 5 لـ10 دقايق بعدها اغسليه بمياه فاترة هتحسي إن بشرتك ناعمة ومرطبة ووشك شكله منعش وواضح عليه الحيوية
وصفة القهوة والنشا لتقشير عميق ولمعان طبيعي
لما تحسي إن بشرتك محتاجة تقشير أقوى جربي ماسك القهوة مع النشا اخلطي ملعقة قهوة مع ملعقة نشا وضيفي شوية مية دافية بالتدريج لحد ما القوام يبقى مناسب افردي الماسك على وشك ورقبتك وسيبيه 15 دقيقة بعدها اغسليه كويس ومع الاستمرار مرتين في الأسبوع هتشوفي فرق في الملمس والتفتيح وكمان التجاعيد هتبدأ تقل بشكل ملحوظ