في وسط الزحمة اللي بنعيشها كل يوم، بقت العناية بالبشرة حاجة أساسية مش رفاهية، وبذور الكتان من أكتر المكونات الطبيعية اللي أثبتت فعاليتها في تحسين مظهر البشرة ومقاومة التجاعيد البذور دي غنية بمضادات الأكسدة وأحماض أوميغا 3، وبتساعد بشكل مباشر في تحفيز الكولاجين، وده اللي بيخلي البشرة تبان أنعم وأنضر في السطور الجاية، هتتعرفي على وصفات طبيعية بسيطة وفعّالة ببذور الكتان تديكي نتائج مبهرة في وقت قصير ومن غير تكلفة عالية.
ماسك الكتان لشد البشرة ومحاربة التجاعيد
لو بتدوري على وصفة طبيعية تشد بشرتك وتقلل الخطوط الرفيعة، جربي الماسك ده كل اللي هتحتاجيه:
ملعقة كبيرة كتان مطحون، ملعقة صغيرة ليمون، نصف ملعقة نشا، وملعقة صغيرة جل صبار.
اخلطي المكونات لحد ما القوام يبقى ثقيل، وافرديه على وشك ساعة كاملة، وبعد ما ينشف افركيه برفق، واغسلي وشك بمية باردة، وبعدها حطي شوية زيت كتان للترطيب.
ماسك سريع للترطيب والنضارة
لو وقتك ضيق، في ماسك بسيط وسريع. اغلي ملعقتين كتان في 3 أكواب مية لحد ما يبقى قوامه زي الجل، صفيه وخزنيه، ووزعيه على بشرتك 15 دقيقة، واغسليه بمية فاترة.
فوائد الماسك واستخدامه المستمر
الماسك ده بيخلي بشرتك أنعم، أنضف، وأفتح، وكمان بيقلل الالتهابات وبيحافظ على الترطيب ومع الاستخدام اليومي هتلاحظي فرق كبير في المرونة والنضارة.