كل ست بيت عارفة إن تحضير المحشي، وخصوصًا تقوير الكوسة والباذنجان، من أكتر الحاجات اللي بتاخد وقت ومجهود استخدام المقوار التقليدي ساعات بيكون مرهق جدًا، وبيحتاج تركيز ومهارة علشان الخضار ما يتقطعش أو يتخرم لكن المفاجأة إن في طريقة بسيطة جدًا ممكن تخلصي بيها الكمية كلها في وقت قياسي ومن غير ما تتعبي، والطريقة دي عرفناها من ست أردنية كبيرة في السن، استخدمت حيلة ذكية وسهلة غيرت شكل الشغل في المطبخ.
نسيتي المقوار؟ السكينة هتكون سلاحك الجديد!
الطريقة التقليدية كانت دايمًا معتمدة على المقوار، اللي مش بس تقيل في الاستخدام، لكن كمان بياخد وقت علشان يديكي النتيجة اللي بتحلمي بيها أما الحيلة الجديدة فبتعتمد ببساطة على سكينة حادة جدًا، وتقطيعات معينة بتسهّل المهمة بنسبة كبيرة.
خطوات بسيطة هتوفري بيها وقت ومجهود
كل اللي عليكي تعمليه هو إنك تعملي شقوق خفيفة وطولية في الكوسة أو الباذنجان، وبعدها تفتحيها من جوه بحركات ناعمة ودقيقة باستخدام السكينة هتتفاجئي إنك خلصتي الكمية أسرع من أي وقت فات، ومن غير ما الخضار يتقطع أو يتبهدل.
ودّعي التوتر وخلي المحشي متعة
بفضل الطريقة دي، مش بس هتوفرى وقتك، لكن كمان هتحسي إن المطبخ بقى أهدى وأسهل، وتقدري تستخدمي الوقت اللي كسبتيه في حاجات تانية مهمة أو حتى ترتاحي شوية.