في ظل الزحمة اليومية وضيق الوقت، بتكون مهمة فرم اللحمة من الحاجات اللي بتسبب توتر لستات البيوت، خاصة لو مفيش مفرمة أو مش فاضيين يروحوا للجزار بس المفاجأة إنك ممكن تفرمي اللحمة في البيت بإيدك، من غير أي أجهزة، وفي وقت قياسي السر كله في سكينة حامية وتنظيم بسيط، وهتقدري تجهزي كيلو لحمة مفرومة في أقل من دقيقتين وبنتيجة مثالية.
طريقة سريعة وفعالة لفرم اللحمة يدويًا
ابدئي بتقطيع اللحمة لقطع صغيرة، وبعد كده امسكي سكينة حامية وابتدي فرم يدوي عن طريق تقطيع القطع دي بشكل مستمر كأنك بتعملي مفروم ناعم كرري الحركة دي بسرعة وانتظام، وهتلاقي اللحمة بدأت تاخد شكل المفروم تمامًا، من غير ما تحتاجي لأي جهاز.
ليه الطريقة دي ممتازة؟
– أسرع مما تتخيلي، ومفيش انتظار أو طابور عند الجزار
– مش هتدفعي فلوس على أجهزة ولا خدمة فرم
– بتحكمي في درجة الفرم زي ما تحبي: ناعم أو خشن
نصيحة مهمة للنتيجة الأفضل
لازم تكون السكينة حادة فعلًا علشان التقطيع يبقى سهل وسريع، وكمان استخدمي لحمة طازة علشان تديكي نتيجة ممتازة وتفرميها بسهولة ومن غير مجهود.