“المفتاح ضاع؟ ولا يهمك!”.. افتح الباب في ثواني من غير تكسير ولا نجار!.. السر اللي لازم كل بيت يعرفه!

مفيش أسوأ من إنك ترجع البيت وتكتشف إنك نسيت المفتاح جوه أو ضاع منك، أو حتى تنسى مفتاح دولاب مهم في وقت محتاج فيه حاجة ضرورية ووقتها بيكون أول رد فعل تفكر فيه هو كسر القفل، لكن ده ممكن يسبب ضرر كبير سواء للباب أو القفل نفسه عشان كده، في شوية طرق بسيطة وفعّالة ممكن تستخدمها تفتح بيها القفل من غير أي تكسير، بس خلي بالك، الطرق دي لازم تستخدمها على حاجتك الشخصية بس علشان ما تعرضش نفسك لأي مشكلة قانونية.

استخدم كارت قديم وافتح القفل بسهولة

واحدة من أسهل الحيل اللي ممكن تجربها هي استخدام كارت بلاستيك زي كارت البنك أو البطاقة التموينية، ويفضل يكون كارت قديم مش مهم لو اتكسر كل اللي عليك تدخله بين الباب ولسان القفل وتحركه بلُطف، ومع شوية ضغط على الباب هتلاقيه فتح بسهولة الطريقة دي بتشتغل في الأقفال اللي مش فيها أمان عالي.

فتح القفل بالمفك: حل بسيط في دقيقة

لو عندك مفك براغي صغير، ممكن يكون وسيلتك التانية حطه مكان المفتاح ولفه بلطف كأنك بتلف المفتاح نفسه، وده هيشتغل كويس مع الأقفال البسيطة بس لازم تكون حذر علشان ما تبوظش مكان دخول المفتاح.

تنبيه مهم جدًا علشان ما تتورطش

الطرق دي ممنوع تستخدمها على أي حاجة مش ملكك ولو شفت حد بيحاول يفتح باب مش بابه بالطريقة دي، لازم توقفه وتسأله لأنه ممكن يكون بيحاول يسرق. الحذر دايمًا بيحميك ويحمي غيرك.