تنظيف مروحة السقف واحدة من المهام اللي كتير من ستات البيوت بتهرب منها بسبب صعوبتها، خصوصًا إنها بتكون في مكان عالي وبيكون عليها طبقة غبار تقيلة جدًا لكن في الحقيقة، الموضوع مش محتاج مجهود ولا سلم ولا تعب، كل اللي محتاجاه شوية مكونات طبيعية من المطبخ، وطريقة بسيطة تخلصك من الغبار والأتربة في دقايق وبدون ما تتناثر في الجو.
مكونات سحرية من مطبخك تنظف في ثواني
علشان تحضّري المنظف الطبيعي ده، هتحتاجي:
– ملعقة كبيرة خل أبيض
– ملعقة كبيرة من سائل تنظيف الأطباق
– كوب مية دافية
– ملعقة صغيرة بيكربونات صوديوم (لو فيه أوساخ عنيدة)
اخلطي المكونات دي كويس في بخاخ، وبيبقى كده جاهز للاستخدام فورًا.
طريقة تطبيق سهلة وآمنة ومن غير فوضى
رشي المحلول على شفرات المروحة، وركزي على الأماكن اللي فيها غبار واضح بعد كده، استخدمي كيس وسادة قديم أو فوطة ناعمة، ولفّيها على الشفرة واسحبيها بلطف كل التراب هيتجمع جوا الكيس، ومش هيتناثر في البيت بعدها، امسحي الشفرات بفوطة ناشفة علشان تلمعيها.
فوائد الطريقة دي هتخليكي تعتمديها دايمًا
– مش محتاجة تطلعي سلم
– مش هتتنفسوا تراب
– آمنة على الأطفال واللي عندهم حساسية
– بترجع للمروحة شكلها النضيف واللامع
الطريقة دي هتخلي تنظيف المروحة جزء بسيط وسهل من روتينك اليومي.