بقى الإنترنت حاجة أساسية في كل بيت، والراوتر بقى زي عضو ثابت في كل غرفة من غيره مفيش شغل، ولا تسلية، ولا حتى تواصل لكن هل عمرك سألت نفسك: “هل فعلاً آمن أسيب الراوتر شغال طول الليل؟” الحقيقة إن تشغيل الراوتر 24 ساعة ممكن يسبب أضرار كتير محدش بياخد باله منها، ودي مش بس على الجهاز، لكن كمان على صحتك وخصوصيتك.
زيادة استهلاك الكهرباء
رغم إن استهلاك الراوتر للكهرباء قليل، إلا إن تشغيله على طول بيزود الفاتورة بدون أي داعي، خصوصًا في أوقات مش بيُستخدم فيها أساسًا.
تأثيره على النوم والصحة
بعض الدراسات بتقول إن الإشعاعات اللي بيصدرها الراوتر ممكن تأثر على النوم وتسبب صداع وتوتر، وده بيزيد لو الجهاز قريب من السرير أو في أوضة النوم.
تهديد الأمان الرقمي
لما الراوتر يفضل شغال طول الليل، بيكون عرضة للاختراقات، وده بيخلي بياناتك مكشوفة لأي حد بيحاول يدخل الشبكة، خاصة لو إعدادات الأمان ضعيفة.
تقصير عمر الراوتر
زي أي جهاز إلكتروني، الراوتر محتاج يرتاح تشغيله المستمر بيخليه يسخن، وده بيقلل من عمره وبيزود احتمالية إنه يتعطل بسرعة.
نصائح للحماية
اطفي الراوتر بالليل، أو استخدم تايمر لفصله أوتوماتيك خليه في مكان مهوي، وراجع إعدادات الأمان كل فترة.