كتير من السيدات بيحلموا بشعر طويل وكثيف وناعم زي شعر الستات الهنديات، والسر مش في منتجات غالية، لكن في وصفات طبيعية بيستخدموها من زمان وبتتوارثها الأجيال الوصفات دي بتعتمد على مكونات بسيطة، موجودة في كل بيت، وبتغذي الشعر من الجذور وتزود نموه بشكل صحي وسريع. في المقال ده، هنقدملك 3 وصفات هندية مضمونة تديكي شعر قوي، ناعم، ومن غير تقصف.
قناع الأملا والزبادي للتغذية والترطيب
الأملا، أو عنب الثعلب الهندي، مليان فيتامين C ومواد مضادة للأكسدة لما بيتخلط مع الزبادي، اللي فيه فيتاميني B5 وD، النتيجة بتكون قناع ممتاز لفروة الرأس.
المكونات
- كوب زبادي
- ملعقتين من بودرة الأملا
الطريقة
اخلطيهم كويس، وحطي الخليط على شعرك وسيبيه نص ساعة بعدها اغسليه بمية فاترة.
ماسك الحلبة لتطويل الشعر
الحلبة بتقوي بصيلات الشعر وبتسرع نموه بشكل ملحوظ.
المكونات
2 ملعقة حلبة
شوية مية
الطريقة
نقعي الحلبة ليلة كاملة، واطحنيها الصبح حطي العجينة على فروة الرأس، وسيبيها نص ساعة، بعدين اغسلي شعرك.
ماسك الأشواجندا مع الأملا ضد التساقط
الأشواجندا بتقلل التوتر اللي بيزود تساقط الشعر. لما تتخلط مع الأملا، بتدي نتيجة ممتازة.
المكونات
3 ملاعق أشواجندا
3 ملاعق أملا
6 ملاعق مية
الطريقة
اخلطيهم، وحطيهم على شعرك لمدة 30 دقيقة، واغسلي بعدها.