البقدونس والشبت من أكتر الأعشاب اللي بنستخدمها يوميًا في المطبخ، سواء للنكهة أو الفايدة الصحية لكن المشكلة إنهم بيذبلوا بسرعة، وده بيخلّي ستات كتير يحتاروا في طريقة حفظهم علشان كده، جمعنالك أفضل الطرق اللي تخلّي الأعشاب دي تفضل طازة ونضيفة لأيام طويلة، من غير ما تفقد طعمها أو شكلها.
الاحتفاظ بالبقدونس والشبت في التلاجة
أول خطوة إنك تغسليهم كويس تحت المية علشان تتخلصي من أي تراب أو شوائب بعد كده نشفيهم تمامًا بمناديل ورق ناعمة لفّي كل نوع في ورق جاف، وحطيهم في كيس بلاستيك مقفول كويس، وبعدين دخليهم درج الخضار في التلاجة. بالطريقة دي هيقعدوا طازجين حوالي أسبوع.
التجميد لو عايزة تخزنيهم فترة أطول
فرمي الأعشاب، وحطيها في قوالب التلج مع نقطة مية أو زيت زيتون، وسبيها تتجمد بعدين طلّعي المكعبات وحطيها في كيس في الفريزر كمان ممكن تجمديهم زي ما هما من غير فرم، وتحفظيهم في كيس محكم الغلق.
التجفيف لو المساحة ضيقة
علقي حزم صغيرة في مكان هاوي وبعيد عن الشمس لما تنشف كويس، خزّنيها في برطمان زجاجي نظيف ممكن تستخدميها وقت الطبخ زي ما هي أو تطحنيها حسب الحاجة.
فوائد صحية مش قليلة
البقدونس والشبت مش بس بيزودوا الطعم، لكن كمان بيعززوا المناعة، بيساعدوا على الهضم، وبيقللوا الالتهابات فحفظهم بالشكل الصح مش بس هيوفرلك، ده كمان مفيد لأسرتك.