الغسالة من الأجهزة اللي بنعتمد عليها بشكل يومي في بيوتنا، ومحدش يقدر يستغنى عنها لكن في غلطة بسيطة ناس كتير بيقعوا فيها من غير ما ياخدوا بالهم، والغلطة دي ممكن تتحول لكارثة في لحظة ناس كتير بيحاولوا يوفروا وقت ومجهود ويحطوا كمية كبيرة من الغسيل، بس اللي ميعرفهوش البعض إن ده ممكن يبوّظ الغسالة أو حتى يسبب انفجارها.
التحميل الزائد: خطر مخفي بيهدد الغسالة
ناس كتير بتفتكر إن كل ما الغسالة تشيل أكتر، يبقى كده أحسن وأوفر بس الحقيقة إن تحميل الغسالة فوق طاقتها بيخلّي الموتور يشتغل فوق قدرته، وده ممكن يسبب ضغط كبير على مكوناتها ومع الوقت، الضغط ده ممكن يتسبب في تلف الأجزاء الداخلية زي الموتور أو الأنابيب، وفي أسوأ الحالات، ممكن يؤدي لانفجار مفاجئ.
نصائح بسيطة تحميكي من الخطر
أول حاجة، اتأكدي من سعة الغسالة واقري التعليمات اللي غالبًا بتكون مكتوبة على الباب ومتنسكيش توزعي الغسيل كويس جوه الأسطوانة علشان ميبقاش الحمل على جهة واحدة كمان، الصيانة الدورية مهمة جدًا؛ زي تنظيف الفلاتر وفحص التوصيلات والأسلاك.
سلامتك أهم من أي توفير
مفيش حاجة تستاهل المخاطرة، فحملي الغسالة بالعقل علشان كده، اتبعي التعليمات واحمي نفسكِ وأسرتكِ من خطر كان ممكن يحصل بسبب خطأ بسيط جدًا.