كل بنت بتحلم ببشرة ناعمة ونضرة من غير مواد كيميائية ولا تكاليف عالية، وده ممكن يتحقق بوصفة طبيعية وبسيطة جدًا من مكونين بس: الخيار والفازلين الاتنين دول موجودين في كل بيت، لكن لما يتجمعوا مع بعض بيعملوا معجزة في العناية بالبشرة وبيجددوا نضارتها بشكل ملحوظ.
فوائد الخيار والفازلين لبشرتك
الخيار معروف بإنه مرطّب طبيعي لأنه غني بالمياه ومضادات الأكسدة، وده بيساعد على تقليل الانتفاخ والتجاعيد وتجديد خلايا الجلد أما الفازلين، فهو بيحمي البشرة من الجفاف، وبيساعد في ترطيبها بعمق وبيحافظ على ليونتها ونضارتها.
طريقة التحضير والاستخدام
- قطعي خيارة طازة لشرائح رفيعة
- في طبق صغير، حطي شوية فازلين
- اخلطي شرائح الخيار مع الفازلين كويس لحد ما يبقى الخليط متماسك
- قبل النوم، حطي الخليط ده على بشرتك، سواء وشك أو أي منطقة محتاجة ترطيب وعناية
- سيبيه طول الليل واغسليه الصبح بمية فاترة
النتائج اللي هتبهرك
بعد كام استخدام، هتحسي بفرق كبير في ملمس بشرتك، هتبقى أنعم وأنضر، والخطوط التعبيرية والانتفاخات هتقل بشكل واضح الماسك ده هيخلي بشرتك صحية ومنورة من أول أسبوع.