في عالم الزراعة الحديث، بقت الفواكه الاستوائية هدف للكتير من المستثمرين والمزارعين بسبب قيمتها العالية وعوائدها المربحة من أبرز الفواكه دي بتظهر “الرامبوتان”، فاكهة استوائية نادرة وغالية لدرجة إن سعرها في بعض الأسواق بيتجاوز الذهب! لو بتدور على فكرة مشروع زراعي مربح، زراعة الرامبوتان ممكن تبقى فرصتك الذهبية.
فين ومتى تزرع الرامبوتان؟
الرامبوتان موطنه الأصلي في دول جنوب شرق آسيا زي تايلاند وماليزيا، وبيحتاج مناخ رطب ودافي، ودرجة حرارة ما بين 25 لـ 30 درجة أفضل وقت لزراعته بيكون موسم الأمطار، وده لأنه بيعتمد على رطوبة التربة ونسبة المياه العالية للنمو.
شكل وفوايد الرامبوتان
فاكهة شكلها غريب بقشرة مشعّرة لونها أحمر أو أصفر، وجواها لُب أبيض طري بطعم لذيذ جدًا، وبتحتوي على فيتامينات ومعادن مهمة زي فيتامين C ومضادات أكسدة بتقوي المناعة وتحسّن الهضم والبشرة.
استخداماتها في الأكل والمشروبات
تقدر تاكلها طازة أو تضيفها للسلطات والحلويات، وكمان بتدخل في العصاير والوصفات الآسيوية، وبتدي نكهة مميزة لأي طبق.
ليه سعرها غالي؟
سعر الكيلو ممكن يوصل لـ 30 دولار، وده بسبب صعوبة زراعتها، احتياجها لظروف مناخية خاصة، وكمان قلة المعروض منها في الأسواق.