سبب القلق من تأثير المنتجات الكيميائية الضار على الشعر بدأت كتير من السيدات تلجأ لاستخدام القرنفل كحل طبيعي وآمن القرنفل مش بس بيغذي فروة الرأس لكنه كمان بيحفز النمو ويقوي الجذور وده بيخليه مكون أساسي في روتين أي واحدة بتحلم بشعر صحي وكثيف من غير تعب أو تكلفة
زيت القرنفل مع زيت الزيتون لتقوية الجذور
لو محتاجة وصفة بسيطة تعزز صحة شعرك جربي زيت القرنفل مع زيت الزيتون المزيج ده بيوصل التغذية من أول الفروة لحد الأطراف اخلطي معلقتين من زيت القرنفل مع نص كباية زيت زيتون وسخنيهم على نار هادية وبعد كده دلكي فروة رأسك وسيبيه تلات ساعات قبل ما تغسليه ومع الاستمرار هتحسي أن شعرك بقى أقوى وأنعم
بخاخ القرنفل وورق الغار لزيادة الطول والكثافة
علشان تطولي شعرك وتزودي كثافته استخدمي بخاخ مكون من القرنفل وورق الغار اغلي معلقة قرنفل مع خمس ورقات غار في كوب ونص مية وسيبيهم يبردوا وصفي الخليط ورشيه على شعرك وسيبيه ساعتين قبل الغسل الوصفة دي بتنشط الدورة الدموية وبتساعد الشعر يطول بشكل طبيعي مع استمرار الاستخدام
ماسك القرنفل والحليب لعلاج الجفاف والتقصف
لو شعرك بيعاني من جفاف أو تقصف ماسك القرنفل مع الحليب هو الحل اغلي معلقة صغيرة قرنفل مطحون في كوب حليب وسيبيه يبرد وافرديه على شعرك وسيبيه ساعة الماسك ده بيرطب الشعر ويقوي خصلاته وبيخليه أنعم وأنور من أول مرة