كتير من الناس بيعانوا من تسوية اللحمة اللي بتاخد وقت طويل، وخصوصًا في العزومات والمناسبات. ولو معندكيش حلة ضغط، الموضوع بيكون متعب ومرهق، بس هل تعرفي إن في مكون سري بسيط هيخلي اللحمة طرية وسهلة المضغ في وقت قصير جدًا من غير أي مجهود؟!، الطريقة دي هتغير فكرتك تمامًا عن تسوية اللحوم، وهتخليها تستوي بسرعة البرق وكأنها زبدة!!
ليه اللحمة بتاخد وقت طويل في السوا؟
نسبة الألياف فيها عالية
كل ما كانت قطعة اللحم مليانة ألياف، كل ما احتاجت وقت أطول عشان تبقى طرية وسهلة المضغ.
طريقة الطهي التقليدية
التسوية العادية بالمياه المغلية بس مش كفاية عشان تكسر الأنسجة القاسية في اللحمة بسرعة، وده اللي بيخليها تاخد وقت أطول.
نوع اللحمة
في أنواع لحمة بتكون أقسى بطبيعتها، زي لحمة العجل الكبير، ودي لازم ليها حيلة ذكية عشان تستوي بسرعة من غير ما تفقد طعمها.
السر اللي هيخلي اللحمة طرية في دقائق
المكون السحري اللي هيغير حياتك
المكون ده بسيط جدًا وهتلاقيه في مطبخك، وهو البيكنج صودا أو الكربوناتو!!
طريقة استخدامه
- قبل ما تبدأي في طهي اللحمة، رشي رشة خفيفة جدًا من البيكنج صودا على القطع.
- سيبيها 10 دقايق بالكتير قبل ما تنزليها في المياه المغلية.
- هتلاقي اللحمة بدأت تستوي بسرعة وبتدوب زي الزبدة من غير ما تحتاجي حلة ضغط!!