كتير من الناس بيخزنوا العيش في الفريزر علشان يحافظوا عليه أطول فترة ممكنة، لكن مش كل الطرق آمنة، بعض العادات اللي بنعملها من غير ما نحس ممكن تتسبب في تكوين مواد ضارة جدًا، تخزين العيش في أكياس بلاستيك غير مخصصة للتجميد أو تركه لفترات طويلة في الفريزر ممكن يخليه يمتص روائح الأطعمة التانية ويتعرض لتغيرات بتأثر على جودته، الأهم من كده إنه مع الوقت ممكن تتكون عليه مواد سامة زي الفطريات اللي مش بتكون واضحة للعين المجردة لكنها مضرة جدًا للصحة
الطريقة الصحيحة لتخزين العيش في الفريزر
لو عايز تحتفظ بالعيش في الفريزر من غير ما يتعرض لأي ضرر، لازم تتبع بعض الخطوات البسيطة اللي بتفرق جدًا في النتيجة، أول حاجة، لازم تتأكد إن العيش بارد تمامًا قبل ما تحطه في الفريزر لأن تخزينه وهو دافي بيخليه يعجن أو يكون بخار مية بيأثر على جودته، ثاني حاجة، استخدم أكياس مخصصة للتجميد وتجنب الأكياس العادية لأنها ممكن تتفاعل مع الحرارة المنخفضة وتسبب انتقال مواد ضارة للعيش، ثالث حاجة، حاول تقسم العيش في أكياس صغيرة بحيث تسحب الكمية اللي تحتاجها بس بدل ما تسيبه يذوب ويتجمد أكتر من مرة لأن ده بيأثر على طعمه ونسيجه.
متى يكون العيش المخزن في الفريزر خطرًا على صحتك
مش أي عيش في الفريزر بيكون آمن للاستخدام، ولازم تاخد بالك من العلامات اللي بتقولك إن الوقت حان للتخلص منه، لو لاحظت أي رائحة غريبة أو تغير في اللون أو وجود بقع بيضاء أو خضراء، لازم ترميه فورًا لأن ده دليل على نمو الفطريات اللي ممكن تسبب مشاكل صحية خطيرة. كمان، العيش اللي بقاله أكتر من 3 شهور في الفريزر بيبدأ يفقد جودته، فالأفضل إنك تستخدمه خلال فترة قصيرة علشان تستفيد منه من غير أي ضرر.