لو بتحبي كفتة الحاتي وعايزة تعمليها في البيت بنفس الطعم المميز اللي بتاكليه في المطاعم، السر كله في المكونات وطريقة التحضير، أهم حاجة إن اللحمة تكون نسبة الدهون فيها حوالي 20% علشان تفضل طرية وما تنشفش أثناء الشوي، كمان لازم يكون فيها بهارات معينة هي اللي بتديها الطعم المدخن المميز، المكونات الأساسية هي لحمة مفرومة، بصل مبشور بدون مياهه، ملح، فلفل أسود، بهارات كفتة، ملعقة صغيرة من البيكنج بودر، وملعقة من السمنة أو الدهن علشان تفضل طرية وبتدوب في الفم.
التتبيلة السرية اللي بتخليها زي المطاعم بالضبط
السر الحقيقي في طعم كفتة الحاتي هو التتبيلة الصح، ودي بتتكون من بصل مبشور ناعم متصفي تمامًا من المياه، مع رشة صغيرة من السكر اللي بيساعد في كراميلتها أثناء الشوي، كمان لازم تضيفي رشة من جوزة الطيب، ومستكة مطحونة، وملعقة صغيرة من الخل اللي بيساعد في تنعيم الأنسجة ودمج النكهات مع بعض، بعد ما تخلطي المكونات كويس لازم تسيبيها في التلاجة على الأقل ساعتين قبل الشوي علشان تتشبع بالنكهات.
طريقة الشوي الصح علشان تفضل طرية ومشوية مظبوط
بعد ما تشكلي الكفتة على أسياخ خشب مبلولة أو أسياخ معدنية، لازم تدخليها الفريزر لمدة 10 دقائق قبل الشوي علشان ما تفكش منك، أثناء الشوي، استخدمي قطعة فحم مولعة في منتصف الشواية علشان تديلها طعم الفحم المدخن اللي بيخليها زي المحلات. وكمان، لازم تدهن الكفتة بالسمنة أو الزبدة أثناء الشوي علشان تفضل طرية وما تنشفش، بعد ما تستوي، غطيها بفويل لمدة 5 دقائق قبل التقديم علشان تفضل محتفظة بعصارتها وتطلع معاك بنفس الطعم اللي بتحبيه.