كلنا واجهنا الموقف ده قبل كده.. بتكوني بتحضري أكلة بحب وحماس وفجأة تكتشفي إن الملح زاد وبدل ما ترمي الطبخة أو تحاولي تأكليها على مضض في حيل سهلة وبسيطة ممكن تنقذك وترجع الطعم متوازن تمامًا والأحسن إن الأكلة هتطلع أحلى من كل مرة والطريقة دي أكدها شيف سعودي مشهور بيستخدمها دايمًا في مطبخه ونتيجتها مضمونة.
أسرع طرق لإنقاذ الأكل المالح
أول وأبسط حل هو إضافة قطعة بطاطس مقشرة للطبخة البطاطس عندها قدرة رهيبة على امتصاص الملح الزائد بطريقة طبيعية بس لازم تسيبيها تغلي مع الأكل حوالي 10 دقايق وبعدها شليها وهتلاحظي الفرق فورًا.
الحل الثاني
الحل التاني هو إضافة كمية إضافية من المكونات الأساسية للطبق لو بتحضري شوربة أو صلصة زودي شوية مياه أو طماطم مهروسة أما لو أكلتك فيها لحوم أو خضار جربي تضيفي جزء بسيط من المكونات الأصلية علشان تتوازن النكهات
كمان السكر أو العسل الأبيض ممكن يكون حل سحري لإصلاح الأكل المالح لكن لازم تضيفي كمية صغيرة جدًا وتقلبّي كويس لحد ما تحسي إن الطعم اتوازن.
وأخيرًا لو الطبخة سائلة ممكن تضيفي معلقة صغيرة من الأرز غير المطبوخ لأنه بيمتص الملح بسرعة وبعد دقائق صفيه واستمتعي بالأكل بدون مشاكل.
بكده مش هتحتاجي ترمي أي أكلة بسبب زيادة الملح جربي الطرق دي وهتكون منقذك الدائم في المطبخ.