الليمون عنصر لا غنى عنه في كل بيت، سواء للأكلات أو العصائر، لكنه معروف بسرعته في التلف إذا ما اتخزن بطريقة صح، كتير من الناس بيشتكوا من إن الليمون بيبوز بسرعة، وده بيخليه يفقد نكهته وقيمته، لكن تاجر سوري كشف عن حيلة عبقرية هتخلي الليمون عندك يفضل طازة من السنة للسنة وكأنه لسه متقطف، في السطور الجاية، هنكشف لك عن أفضل وأبسط الطرق لتخزين الليمون وضمان بقائه طازج لأطول فترة ممكنة:
1. الحفظ في الثلاجة بطريقة صحيحة:
من الأخطاء الشائعة ترك الليمون مكشوف في التلاجة، الأفضل إنك تحطيه في أكياس بلاستيكية محكمة أو علب محكمة الغلق، كده بتحافظي على رطوبته وبتمنعي تعرضه للهواء اللي بيخليه يجف أو يعفن.
2. التجميد السريع:
لو عايزة تحتفظي بالليمون لفترة أطول، قطّعيه شرائح أو اعصريه وخزنيه في قوالب الثلج، وقت ما تحتاجيه، هتلاقيه جاهز للطهي أو العصير من غير ما يفقد طعمه أو فوائده.
3. السر السوري لتخزين الليمون في الماء:
ودي الطريقة اللي كشف عنها التاجر السوري، ببساطة، حطي الليمون في وعاء مليان ميه باردة، وغيّري الميه كل أسبوعين. الطريقة دي بتحافظ على نضارة الليمون وبتمنع جفافه أو تعفنه، وهتخليه عندك كأنه لسه جاي من السوق.
خلاصة القول:
دلوقتي ما فيش داعي ترمي ليمون بايظ ولا تشتري كل شوية، جربي الطرق دي وخصوصًا طريقة الماء العبقرية، وخلي عندك ليمون طازج طول السنة من غير أي خسارة.