واحدة من أكبر المشكلات اللي بتواجه كل ست بيت هي الحفاظ على الخضرة الطازة، خصوصًا البقدونس والشبت، بمجرد ما يدخلوا التلاجة، تلاقيهم بدأوا يصفروا أو يذبلوا، وساعتها بيترموا من غير استخدام، بس لو عرفتي السر، هتخزنيهم بالشهور من غير لا لونهم يبهت ولا طعمهم يتغير، هقولك على طريقة ذكية وسهلة هتخلي البقدونس والشبت عندك محتفظين بلونهم الأخضر الزاهي ونكهتهم الطازة كأنهم لسه جايين من السوق.
الطرق التقليدية اللي بتبوظ الخضرة:
ناس كتير بتحط البقدونس والشبت في التلاجة سايبين أو ملفوفين في كيس، أو بيجففوهم، بس ده بيخليهم يذبلوا بسرعة، ويفقدوا اللون والطعم اللي بيخلي الأكل ليه ريحة مميزة.
الطريقة السحرية اللي هتغير حياتك:
الحل هو التجميد!
اغسلي البقدونس والشبت كويس ونشفيهم تمامًا، قطعيهم وحطيهم في أكياس محكمة الغلق.
ولو عايزة طريقة أكتر عملية، قطّعيهم وحطيهم في صينية مكعبات التلج، وصبي عليهم شوية مية أو زيت زيتون، وجمديهم، كده هتقدري تستخدمي مكعب في كل مرة تطبخي فيها، والطعم هيبقى كأنك لسه فرمتيهم حالًا!
ليه الطريقة دي فعّالة جدًا؟
لأن التجميد بيوقف عملية الأكسدة اللي بتغيّر لون الخضرة وتبوّظها، وبيخلي النكهة محفوظة لوقت الاستخدام، مش بس كده، ده كمان بيوفر عليك وقت التحضير كل مرة.
جربيها بنفسك!
من النهارده مفيش حاجة اسمها خضرة صفراء أو بايظة! مع الطريقة دي، خضرتك هتفضل زي الفل، وهتوفري فلوسك ومجهودك