من منا لا يعشق البطاطس المقرمشة التي تقدم في المطاعم؟ لكن المفاجأة أن هناك طريقة عبقرية للحصول على نفس القرمشة من غير ولا نقطة زيت، الطريقة دي جاية من المطبخ العراقي، وبتوفرلك طعم خطير وصحي في نفس الوقت، وكمان هتوفرلك فلوس الزيت اللي بقى غالي جدًا.
السر العراقي لقلي البطاطس بدون زيت!
الطريقة بسيطة وسهلة جدًا، كل اللي هتحتاجيه: بطاطس، ماء، وملح.
ابدئي بتقشير البطاطس وتقطيعها لشرائح رفيعة.
بعدها، اسلقيها في ماء مغلي مع شوية ملح لمدة 5 إلى 7 دقايق لحد ما تبقى شبه مستوية.
سيبيها تبرد شوية، وبعدين رصيها على ورق زبدة في صينية الفرن.
سخني الفرن على 200 درجة مئوية، وادخليها لمدة 30 إلى 40 دقيقة لحد ما تاخد لون ذهبي وتبقى مقرمشة من بره وطرية من جوا.
ليه الطريقة دي عبقرية؟
- مفيش زيت، يعني مفيش سعرات حرارية زايدة.
- طعم خرافي زي المطاعم، بس من غير دهون.
- أوفر بكتير لأنك مش هتحتاجي تشتري زيت كتير.
فوائدها؟ صحة وفلوس في جيبك!
الطريقة دي هتساعدك تقللي من استهلاك الزيت في أكلك، وده مهم لصحتك وصحة أسرتك، غير كده، هتوفرلك مبلغ محترم على المدى الطويل، خصوصًا في ظل ارتفاع الأسعار.
جربي الطريقة العراقية وودّعي البطاطس الغارقة في الزيت!