كل ست بتحلم بشعر ناعم، صحي، ولامع، خصوصًا في اللحظات اللي بتحب تبان فيها في أحلى صورة قدام جوزها، ومع الزحمة والتعب والمنتجات اللي ساعات بتضر أكتر ما تنفع، جايبينلك النهارده وصفة طبيعية وسهلة هتحققلك حلمك في شعر مثالي من غير تكلفة، خلطة الموز مع زيت الزيتون هي الحل السحري اللي هيغير شكل شعرك ويخليه يلمع بالحيوية والنعومة، وكل ده بمكونات بسيطة موجودة في مطبخك.
مكونات وصفة الموز وزيت الزيتون:
حبة موز ناضجة.
شوية قطرات من زيت الزيتون (حسب طول وكثافة شعرك).
طريقة التحضير والاستخدام:
1. قشري الموزة وقطعيها قطع صغيرة.
2. أضيفي زيت الزيتون واهرسي الخليط كويس لحد ما يبقى ناعم ومتجانس.
3. افردي الماسك على شعرك من الجذور للأطراف، وتاكدي إنه مغطّي كل الشعر.
4. غطي شعرك واتركيه 30 دقيقة.
5. اغسليه بشامبو خفيف ومية دافئة.
الفوائد اللي هتبهرك من أول استخدام:
ترطيب عميق: يعالج الجفاف والتقصف ويخلي شعرك ناعم كالحرير.
تقوية الشعر وتقليل التساقط: المكونات بتغذي البصيلات وتمنع التساقط.
لمعان طبيعي: يخلي شعرك يلمع من غير أي سيروم أو مواد كيميائية.
فروة رأس صحية: الموز غني بالبوتاسيوم وزيت الزيتون يغذي الجذور ويحفز النمو.
جربيها قبل مناسبة أو حتى من غير سبب، وخلي جوزك ينبهر من النعومة والريحة ولمعان شعرك، وهتحسي إنك رجعتي بنت 20 سنة تاني!