لو زهقتي من وجود الفئران في البيت، وخايفة من استخدام المبيدات الحشرية عشان صحتك وصحة ولادك، يبقى المقال ده ليكي، الفئران مش بس مزعجة، دي كمان بتنقل أمراض وبتخرب الأكل والأثاث، وعشان كده جمعنالك طرق طبيعية وآمنة 100% هتساعدك تطرديها من غير نقطة سمّ.
أقوى الطرق الطبيعية لطرد الفئران من المنزل بدون كيماويات
1. النظافة هي أول وأهم خطوة
الفئران بتدور دايمًا على الأكل والمية، فاحرصي على تنظيف المطبخ باستمرار، وتخزين الطعام في علب محكمة، وكمان تخلصي من أي بواقي أو قمامة بسرعة.
2. اقفلي كل باب ممكن يدخلوا منه
الفئران بتدخل من أضيق الفتحات، افحصي البيت كويس وسدي أي شقوق أو فتحات باستخدام صوف معدني أو سيليكون أو أسلاك.
3. روائح تكرهها الفئران
النعناع، الفلفل الحار، والخل روائح بتجنّن الفئران!
– حطي أكياس نعناع ناشف أو فلفل في الأماكن اللي بتظهر فيها.
– امسحي الأرض أو رشي الخل المخفف في الزوايا والممرات.
4. المصائد الذكية
لو عايزة طريقة فعالة وآمنة، استخدمي المصائد اللاصقة أو المصائد الحية، واطلقي الفأر بعيدًا بعد الإمساك به.
ليه الطرق دي أفضل؟
- آمنة على الأطفال والحيوانات الأليفة.
- مبتسببش تلوث أو رائحة مزعجة.
- سهلة التنفيذ ومكوناتها في بيتك.
الخلاصة؟
مش كل حرب ضد الفئران لازم تبقى بالسم!
بشوية تنظيم واستخدام الطرق الطبيعية، هتخلي بيتك نظيف وآمن وخالي من القوارض.