“إزاي كنا بنعملها غلط طول السنين!”.. شيف معروف يفجر مفاجأة ويكشف السر السحري ورا البطاطس المقلية المقرمشة زي بتاعة المطاعم – الستات هيتصدموا أول ما يعرفوا الطريقة”!!

البطاطس المقلية واحدة من أكتر الأكلات المحبوبة عند الكبار والصغار، ومفيش بيت تقريبًا ما بيحبش طعمها المقرمش والذهبي اللي بنشوفه في المطاعم، لكن رغم المحاولات الكتير، ستات كتير بيسألوا نفس السؤال، ليه البطاطس في البيت عمرها ما بتطلع زي بتاعة المحلات، ومؤخرًا، شيف مشهور قرر يكشف السر السحري اللي بيخلي البطاطس تبقى مقرمشة من بره وطرية من جوه، والسر بسيط جدًا لكن الفرق في النتيجة لا يوصف.

السر في الخطوة اللي قبل القلي

اللي بيخلي البطاطس تطلع مقرمشة مش نوع الزيت أو درجة الحرارة بس، لكن كمان التحضير المسبق ليها، والشيف قال إن السر الحقيقي هو في نقع البطاطس بعد تقطيعها في ماء بارد جدًا مع شوية خل أو ملح لمدة لا تقل عن ساعة، الخطوة دي بتساعد على سحب النشا الزائد من البطاطس، وده بيخليها ما تلزقش ببعض وقت القلي وتتحمر بشكل متساوي، بعد كده لازم تتصفى كويس جدًا وتتجفف بمناديل مطبخ قبل ما تنزل في الزيت، لأن وجود أي نقطة مياه بيأثر على القرمشة.

القلي على مرتين الحيلة السحرية

من أسرار المطاعم كمان، هو إن البطاطس بتتقلى على مرحلتين، ودي خطوة ناس كتير مش بتعملها، في المرة الأولى، البطاطس بتتقلى على نار هادية علشان تستوي من جوه، وبعدين تتشال وتسيب تهدى شوية، وبعدها، بتتقلى مرة تانية على نار عالية علشان تاخد اللون الذهبي المقرمش، الطريقة دي بتخلي القوام مثالي والطعم زي الجاهز وأحسن كمان.

نهاية رحلة البحث عن البطاطس المثالية

دلوقتي ومع السر ده، ستات كتير هيلاحظوا الفرق من أول تجربة، ومش بس الطعم اللي هيبقى مختلف، لكن كمان الشكل والقوام هيخلي أي ضيف يسأل، “، انتي جايباها من مطعم؟”، والشيف أكد إن السر في التفاصيل، وإن الطبخ فن بسيط لما نفهم قواعده.