رغم إن أغلب الناس بيرموا نواة التمر من غير تفكير، إلا إن الدراسات الحديثة أثبتت إنها كنز طبيعي فيه عناصر غذائية وفيتامينات مفيدة جدًا للبشرة والشعر، نواة التمر تحتوي على مضادات أكسدة قوية وزيوت طبيعية بترطب البشرة بعمق وتحارب علامات التقدم في السن، ومش بس كده، زيت نواة التمر معروف بقدرته على تقوية الشعر من الجذور، ومنع التساقط، وتكثيفه بطريقة طبيعية وآمنة من غير أي مواد كيميائية، واستخدام مسحوق نواة التمر كمقشر للوجه بيساعد على إزالة الخلايا الميتة وتنشيط الدورة الدموية في الجلد.
زراعة سهلة وفوايد بيئية عظيمة
لو عندك شوية نوى تمر، تقدري تزرعيها بسهولة في أصيص صغير أو حتى في حديقة البيت، النواة دي بتقدر تنمو وتتحول إلى شتلات نخل جميلة، ومع الوقت ممكن تتحول لأشجار مثمرة، غير إنك بتساهمي في زيادة المساحات الخضراء، زراعة النخيل كمان مفيدة في تنقية الهواء وتقليل التلوث، وده بيديك إحساس جميل إنك بتعملي حاجة مفيدة لنفسك وللبيئة في نفس الوقت، ومن غير أي تكلفة.
من المطبخ للطبيعة قيمة حقيقية ما تتفوتش
نواة التمر مش بس مفيدة للبشرة والشعر، لكن كمان بتدخل في صناعة منتجات طبيعية كتير زي الكحل العربي أو حتى البن البديل بعد تحميصها وطحنها، ده غير استخدامها في تسميد النباتات لما تتحول لسماد عضوي، بيغذي التربة ويديها العناصر اللي بتخليها أكثر خصوبة، يعني نواة التمر كنز مهمل وإحنا مش واخدين بالنا منه، ولو بدأنا نستخدمه هنوفر فلوس ونحافظ على صحتنا ونفيد بيئتنا.