بسبب القلق المتزايد من تأثير المواد الكيميائية على صحة الشعر، بدأت كتير من السيدات تدور على حلول طبيعية وآمنة، والقرنفل بقى واحد من أشهر المكونات اللي أثبتت فعاليتها في العناية بالشعر القرنفل مش بس بيرطّب وبيغذي فروة الرأس، لكن كمان بيقوّي الجذور وبيحفّز النمو، وده بيخليه عنصر أساسي في أي روتين يومي لأي واحدة بتحلم بشعر صحي، كثيف وطويل من غير تكلفة عالية أو مجهود كبير.
وصفة زيت القرنفل وزيت الزيتون لتغذية الشعر:
لو بتدوري على وصفة فعالة لتقوية الجذور، جربي تخلطي معلقتين زيت قرنفل مع نص كباية زيت زيتون وسخنيهم شوية على نار هادية بعدها، دلكي فروة رأسك بالخليط وسيبيه لمدة 3 ساعات قبل الغسيل الاستمرار على الوصفة دي بيخلي الشعر أقوى وملمسه أنعم.
بخاخ القرنفل وورق الغار للتطويل والكثافة:
لو نفسك شعرك يطول بسرعة ويكون أكثر كثافة، اغلي معلقة قرنفل مع خمس ورقات غار في كوب ونص من المية بعد ما يبرد، صفيه وحطيه في بخاخ، ورشيه على شعرك وسيبيه ساعتين قبل الغسيل. النتيجة بتبان مع الوقت ومع الاستمرار.
ماسك القرنفل بالحليب لعلاج الجفاف:
لو شعرك ناشف أو متقصف، جربي ماسك القرنفل بالحليب اغلي معلقة قرنفل مطحون في كوب حليب، وبعد ما يبرد افرديه على شعرك لمدة ساعة الماسك ده بيرطب الشعر ويعزز نعومته من أول استخدام.