كتير من السيدات بيدوروا على طرق طبيعية للتخلص من النمل والصراصير في البيت والمطبخ بدون استخدام المواد الكيميائية اللي ممكن تأثر على التنفس النمل بقى مشكلة كبيرة في الفترة الأخيرة، خصوصًا في الصيف لما يطلع يدور على الطعام اللي هيخزنه لفصل الشتاء لو عايزة تتخلصي من النمل بطريقة طبيعية، في وصفة بسيطة ومتوفرة في كل بيت هتساعدك في ده، وهنا هنتعرف على الطريقة.
وصفة بيكربونات الصوديوم والسكر للتخلص من النمل
ممكن تحضري خلطة مكونة من السكر البودرة وبيكربونات الصوديوم علشان تقضي على النمل تمامًا اتبعي الخطوات دي:
- اخلطي كميات متساوية من بيكربونات الصوديوم والسكر.
- رشي الخلطة دي على الحوائط والمناطق اللي ممكن النمل يتواجد فيها، زي المطبخ والأماكن البعيدة.
- النمل هينجذب بسرعة للسكر ويحمله لمخازنه.
- لما النمل يأكل البيكربونات، هيتفاعل مع حمض معدته ويطلع غازات هتسبب موته فورًا.
استخدام الخل للتخلص من النمل
الخل الأبيض كمان من أفضل الحلول لمكافحة النمل. رشيه في الأماكن اللي بيجمع فيها النمل، حيث إن رائحته القوية هتقلل من قدرتهم على التنقل ممكن كمان تضيفي الخل مع سائل التنظيف وتنظفي بيه الأرضيات، أو حتى تستخدموا خل التفاح اللي له نفس التأثير القوي كمان لو حطيتي شوية زيت نعناع مع سائل التنظيف هتساعدي على طرد النمل بشكل فعال لأن رائحة النعناع بتكون قوية جدًا عليهم.