ناس كتير بتبدأ يومها بنفس الوجبة من غير ما يسألوا: هل فعلاً صحية؟ البيض المقلي بالسمن أو الزيت النباتي المهدرج مع العيش الأبيض ممكن يكون قاتل صامت بيدمر جسمك كل صباح، ورغم إن الطعم بيكون مغري، إلا إن أضراره الصحية بتظهر بعد فوات الأوان.
ليه الوجبة دي خطر؟
المشكلة مش في البيض نفسه، لكن في طريقة التحضير. لما تسخن الزيوت النباتية لدرجة عالية، بتتحول لمركبات سامة تسبب تلف خلايا الكبد وترفع الكوليسترول بشكل خطير، كمان تناول النشويات المكررة على الريق بيرفع السكر بسرعة ويجهد البنكرياس.
دراسات طبية أكدت إن الاستمرار على وجبات دهنية مقلية صباحًا مرتبط بزيادة احتمال الإصابة بأمراض القلب وتصلب الشرايين، وفي حالات نادرة، ممكن توصل لتسمم غذائي حاد بسبب الزيوت الفاسدة أو سوء التخزين.
البدائل الصحية اللي تنقذك
لو عايز تبدأ يومك بأمان، استبدل العيش الأبيض بالتوست الأسمر أو الشوفان، والبيض المقلي بالبيض المسلوق أو الأومليت بزيت الزيتون، ومعاهم ثمرة فاكهة أو كوب زبادي، هتضمن فطار مشبع وصحي.
متخليش الفطار يبقى سبب في مرضك
مهم جداً نراجع عاداتنا اليومية قبل ما نندم، وجبة واحدة كل يوم ممكن تكون هي سبب التعب المستمر، الصداع، وزيادة الوزن اللي مش فاهم سببها، صحتك أهم من الطعم اللحظي، والوقاية دايمًا أحسن من العلاج.
ابدأ يومك صح.. وودع الفطار اللي ممكن يهدد حياتك!