تحضير الكيكة في البيت من الطقوس اللي بتعشقها كتير من السيدات، خاصةً لما تكون النتيجة مرضية وطعمها يشبه اللي بنشتريه من أفضل محلات الحلويات، بس أحيانًا، وعلى الرغم من اتباع الوصفة، الكيكة تطلع ناشفة أو مش مرتفعة بالشكل المطلوب، السر هنا مش دايمًا في المقادير، لكن في خطوات دقيقة بتفرق جدًا في النتيجة النهائية.
درجة حرارة المكونات لها دور كبير
من الأخطاء الشائعة استخدام البيض أو الزبدة مباشرة من التلاجة، لما تكون المكونات بدرجة حرارة الغرفة، بيسهل خلطها واندماجها مع باقي العناصر، وده بيأثر بشكل مباشر على نعومة العجين.
الخلط بعناية بدون مبالغة
استخدام الخفاقة الكهربائية على سرعة متوسطة بيكون كافي جدًا، بعد إضافة الدقيق، لازم نوقف الخلط أول ما المكونات تتجانس، لأن الإفراط في التقليب بيخلي القوام قاسي.
اختيار المواد الرافعة بدقة
البيكنج باودر أو البيكنج صودا لازم يكونوا طازجين ومخزنين بطريقة صحيحة، كمان الالتزام بالكميات ضروري، لأن زيادتهم بتسبب طعم غير محبب وهبوط في الكيكة.
الخبز المثالي يبدأ من الفرن
سخني الفرن مسبقًا لـ180 درجة مئوية، وضعي القالب في الرف الأوسط، تجنبي فتح باب الفرن أول 20 دقيقة عشان ما تهبطش الكيكة، واختبري النضج بعود خشبي.
نصائح أخيرة لضمان نتيجة ناجحة
رشي شوية دقيق في القالب بعد دهنه بالزبدة لتجنب الالتصاق، وسيبي الكيكة تبرد قبل ما تطلعيها، وأخيرًا، مع كل تجربة هتوصلي للطريقة اللي تناسبك وتضمن لك نتيجة مثالية في كل مرة.