أول سبب حقيقي هو أن الطيارات التجارية بتحلق على ارتفاعات عالية جدًا، بتوصل لأكتر من 10 كيلومتر فوق سطح الأرض، وده معناه إن الجو برة بيكون متجمد وفيه نقص كبير في الأكسجين، يعني حتى لو معاك مظلة ونطيت، ممكن تموت من البرد أو من نقص الهواء قبل ما توصل للأرض، ده غير إن سرعة الطيارة نفسها بتتجاوز 800 كم/ساعة، ففتح باب طيارة على السرعة دي شبه مستحيل، ولو حصل فعلاً، الضغط الجوي هيشفط كل حاجة، ويشكل خطر على باقي الركاب.
سلامتك أهم من المغامرة البديل أفضل
الطائرات التجارية مصممة علشان تكون آمنة بنسبة كبيرة جدًا، ولو حصل أي عطل أو طارئ، فيه بروتوكولات مدروسة وأجهزة احتياطية تساعد الطيارة على الهبوط الآمن، كمان في تدريب مستمر للطاقم علشان يتعامل مع أي ظرف طارئ، وبدل ما يديوا كل راكب مظلة، الأفضل هو تقوية هيكل الطيارة وزيادة عوامل الأمان، وده اللي بيحصل فعلًا في تصميم الطيارات الحديثة.
العدد التكلفة والفوضى المحتملة
كمان خلينا نفكر عمليًا، الطيارة فيها مئات الركاب، وتوزيع مظلات عليهم، وتدريبهم على استخدامها في لحظات رعب وتوتر شبه مستحيل، ده غير التكلفة الإضافية والوزن اللي هيضيفه وجود مئات المظلات على متن الطائرة، واللي هيأثر على كفاءة الطيران نفسها، وببساطة، استخدام المظلات في الطيارات مش عملي ولا آمن، وبدل كده كل التركيز بيتوجه لزيادة الأمان داخل الطيارة نفسها.