هل تتخيل إنك ممكن تكون فاتك استخدام ميزة في موبايلك كان ممكن تحسّن نومك وتحمي صحتك وتحافظ على خصوصيتك وأنت نايم؟ كتير مننا فاكر إن وضع الطيران موجود بس علشان نستخدمه في الطيارة ولكن الحقيقة إنه كنز مهمل في موبايلك! ، وفي المقال ده هنعرفك على تأثير مذهل لتفعيل وضع الطيران أثناء النوم وتأثيره اللي بجد “مش هتصدقه”! وكيفية تفعيله بشكل صحيح عند النوم وهل له ضرر من عدمه.
ماهو وضع الطيران وفوائده
وضع الطيران هو خاصية موجودة في كل الهواتف الذكية ووظيفته إنه يفصل كل الاتصالات اللاسلكية زي الشبكة والواي فاي والبلوتوث وحتى بيانات الهاتف ورغم إن الهدف الأساسي ليه هو منع التداخل مع أجهزة الطيران ولكنه بقى أداة قوية لحماية صحتك ونومك وخصوصيتك كمان وفوائده كالتالى:
- إشعاعات الهاتف : الهواتف بتصدر إشعاعات كهرومغناطيسية طول الوقت حتى لو ما فيش مكالمة أو استخدام مباشر والدراسات بتقول إن التعرض المستمر للموجات دي ممكن يكون له آثار سلبية على المدى البعيد زي التوتر واضطرابات النوم والصداع ولما بتفعل وضع الطيران الإشارات دي بتتوقف وده بيقلل تعرضك للخطر.
- نوم أعمق وراحة أكتر: تشغيل وضع الطيران بيمنع وصول الإشعارات والرسائل والمكالمات اللي ممكن تصحيك في نص الليل وكمان بتقل نسبة تعرضك للضوء الأزرق اللي بيأثر على هرمون النوم “الميلاتونين” والنتيجة؟ نوم أعمق وصحيان بجسم نشيط ومزاج أحسن.
- بطاريتك هتشكرّك : الموبايل طول ما هو متصل بالشبكة بيكون في حالة بحث مستمر عن إشارات وده بيستهلك جزء كبير من البطارية ولكن لما تفعل وضع الطيران كل العمليات دي بتتوقف فالبطارية بتفضل ثابتة تقريبًا وهتصحى تلاقي الموبايل زي ما سيبته.
- حماية كاملة لخصوصيتك وانت نايم : في الزمن اللي بنخاف فيه من التجسس وسرقة البيانات وتشغيل وضع الطيران بيوفر حماية ممتازة ، بما إن الموبايل مش متصل بأي شبكة بيكون غير قابل للاختراق وده بيديك راحة بال كبيرة أثناء النوم.
إزاي تفعل وضع الطيران بشكل صحيح قبل النوم
خطوات بسيطة جداً ممكن تغير يومك بالكامل وهى:
- افتح شريط الإعدادات السريع في موبايلك.
- اضغط على رمز الطيارة “وضع الطيران”.
- تأكد إن الواي فاي والبلوتوث مفصولين كمان.
- لو محتاج تستخدم المنبه ما تقلقش هيشتغل عادي.
- حاول تحط الموبايل بعيد شوية عن السرير لراحة أكتر.
هل في ضرر من تفعيل وضع الطيران
الميزة الوحيدة اللي هتخسرها إنك مش هتستقبل مكالمات أو رسائل مهمة أثناء النوم ولو بتنتظر مكالمة طارئة ممكن تستخدم “وضع عدم الإزعاج” كبديل يسمح فقط بمكالمات معينة.