معظم السيدات بيغسلوا الفراخ تحت المياه مباشرة وبكميات كبيرة من الماء معتقدين إن ده كفيل يطهرها ويزيل الزفارة لكن في الحقيقة الطريقة دي بتعمل العكس تماما لأنها بتسبب انتشار البكتيريا في الحوض وأسطح المطبخ وده ممكن يسبب تسمم من غير ما تحسي إن السبب هو الطريقة دي.
الزفارة مش بتروح بالخل والليمون بس
فيه اعتقاد شائع إن الخل والليمون هم الحل السحري لإزالة زفارة الفراخ لكن ده مش دقيق لأنهم ممكن يغيروا من طعمها ويخلوها تفقد نكهتها الطبيعية وكمان بيزودوا فرص نمو بعض البكتيريا لو اتسابوا لفترة طويلة على الفراخ من غير شطف كويس لازم نفهم إن في خطوات تانية مهمة قبل وبعد استخدامهم.
الخطوات الصحيحة لتنظيف الفراخ
أول حاجة لازم نشيل الجلد الزايد والأجزاء اللي بتكون فيها دم أو شوائب وبعدين نرش شوية دقيق ونفرك الفراخ بيه وبعدها نستخدم ملح خشن مع لمسة من الخل ونفرك كويس جدا وبعد كده نغسل بمياه ساقعة بسرعة ونصفيها فورا دي الطريقة اللي بتديك فراخ نضيفة ومن غير زفارة.
خلي بالك من الغلطة اللي بتعمليها بعد التنظيف
بعد ما بتنضفي الفراخ كويس كتير بيحطوها في التلاجة وهي لسه مبلولة وده بيخلي الزفارة ترجع تاني وكمان يخلي الفراخ تتلف بسرعة لازم تنشفيها كويس جدا بفوطة نظيفة أو مناديل مطبخ قبل الحفظ سواء في الفريزر أو التلاجة والنقطة دي بتفرق فعلا في النتيجة والطعم.