أصابع السمك المقلية من الأكلات اللي دايمًا بتجمع العيلة، سواء كوجبة خفيفة أو طبق جانبي مع الغدا أو العشا. والمميز فيها إنك تقدر تعمليها في البيت بمكونات بسيطة موجودة عندك، وطعمها هيكون أحسن من اللي بتشتريه من بره.
المكونات
- نص كيلو من شرائح السمك (مخلي من العظم).
- ¼ كوب دقيق.
- بيضة.
- نص كوب بقسماط (فتات خبز).
- ملعقة صغيرة ملح.
- ملعقة صغيرة بابريكا حارة.
- ملعقة صغيرة كزبرة ناشفة.
- ملعقة صغيرة من بودرة الثوم والزنجبيل.
- رشة فلفل أسود.
- عصير ليمونة.
- زيت للقلي.
- بقدونس وكزبرة للتزيين.
طريقة التحضير
- قطعي السمك على شكل أصابع متوسطة الحجم، وممكن تستخدمي سمك سالمون أو باسا حسب المتاح.
- في بولة، اخلطي الدقيق مع البهارات: ملح، بابريكا، كزبرة، زنجبيل، فلفل، وثوم.
- ضيفي عصير الليمون والبيضة واخلطيهم كويس.
- غمسي أصابع السمك في الخليط وسيبيها تتبل 15-20 دقيقة.
- بعد التتبيل، غطي الأصابع بالبقسماط كويس من كل ناحية.
- سخني الزيت واقليها على نار متوسطة لحد ما تاخد لون دهبي مقرمش.
- زيني الطبق بالبقدونس أو الكزبرة وقدميها مع كاتشب أو مايونيز.
نصايح تغذية
- لو بتتابعي نظام غذائي أو بتحاولي تخسي، جربي تشوي السمك بدل القلي.
- السمك غني بالبروتين وأوميجا 3 المفيدين للجسم.
- قللي الكمية لو عندك مشاكل في القلب أو النقرس.
- ممكن تستخدمي بياض البيض بدل الصفار لتقليل الدهون.