كتير مننا بيحاول يطلع البطاطس في البيت زي اللي بناكلها في المطاعم، مقرمشة من بره وطرية من جوه، لكن النتيجة دايمًا بتكون يا إما معجنة، يا إما ناشفة زيادة عن اللزوم، والشيف المشهور كشف السر اللي هيغير طريقة تحمير البطاطس تمامًا، والسر ببساطة هو الخطوة اللي بنعديها دايمًا، نقع البطاطس في ميه وخل قبل القلي، نعم، نقع البطاطس في ماء بارد مضاف إليه معلقة خل لمدة نص ساعة بيشيل النشا الزايد وبيخليها تتحمر مظبوط من غير ما تلزق أو تتحول لعجينة.
الخطوات الصحيحة لتحمير البطاطس زي المحترفين
الطريقة المثالية اللي اتكلم عنها الشيف بتبدأ بتقطيع البطاطس أصابع متساوية، ونقعها في خليط الميه والخل، وبعد كده تتصفى كويس جدًا وتتجفف بمناديل مطبخ، وبعد كده، بتدخل البطاطس في الزيت على نار متوسطة للقلي الأول (نص قلية)، وبتتصفى وتتساب تبرد، وبعدها تتحمر تاني في زيت سخن جدًا لحد ما تاخد اللون الذهبي وتبقى مقرمشة بشكل خرافي، والخطوة دي بتخلي القوام مثالي والطعم أقرب ما يكون للمطاعم المشهورة، وكل ده من غير أي إضافات سرية ولا مواد صناعية.
الستات هيتفاجئوا إن السر كان قدامهم طول الوقت
الغريب إن السر مش محتاج مكونات غريبة ولا أجهزة معقدة، هو ببساطة في التكنيك وطريقة التحضير، والشيف أكد إن كتير من الناس بيقعوا في غلطة القلي مرة واحدة على نار عالية، وده بيخلي البطاطس تتحمر بسرعة من بره بس تفضل ناية من جوه، التكنيك ده مش بس هيوفر على الناس فلوس الوجبات الجاهزة، لكن كمان هيرجع الثقة في المطبخ البيتي ويخلي كل ست بيت تقدم بطاطس تفتح النفس، والأطفال نفسهم يطلبوها بدل الجاهزة.