كتير من الناس فاكرين إن الجيب الصغير اللي بيبقى جوه الجيب الأمامي في بنطلون الچينز ملوش لازمة أو مجرد شكل وخلاص لكن الحقيقة غير كده تمامًا الجيب ده وراه قصة قديمة ومفاجأة أغلبنا عمره ما سمع بيها وراها عبقرية مصمم حقيقي فكر في كل تفصيلة وهو بيخيط البنطلون.
الاختراع له علاقة بالزمن والوظيفة
المعلومة الصادمة إن الجيب الصغير كان معمولة مخصوص في القرن التاسع عشر علشان يرُكّب فيه الناس ساعاتهم الجيب اللي كانت منتشرة وقتها وده لأن زمان ماكنش فيه ساعات يد وكان كل راجل بيحمل ساعته في سلسلة ويحتاج مكان آمن يحطها فيه من غير ما تقع أو تتكسر.
تصميم عملي بذكاء غير متوقع
الشخص اللي ابتكر الجيب ده هو “ليفي ستراوس” مخترع أول بنطلون جينز في العالم واللي صممه للعمال والمنقبين عن الذهب علشان يكون عملي ومتين ويستحمل الشغل الشاق وكان لازم يضيف مكان صغير للساعات المعدنية اللي كانوا بيعتبروها كنز شخصي ومش لازم تتخبط ولا تضيع بسهولة.
ليه لسه بيصنعوه لحد دلوقتي
رغم إن الزمن اتغير والساعات بقت في الموبايل وفي الإيد لكن شركات الملابس لسه بتحافظ على وجود الجيب ده لأنه بقى رمز كلاسيكي من تصميم البنطلون الچينز وبقى مرتبط بشكل الچينز التقليدي اللي الناس بتحبه وكمان ناس كتير بيستخدموه دلوقتي لحاجات تانية زي المفاتيح أو العملات المعدنية أو حتى سماعات الأذن.