في بيوتنا العربية، التمر يعتبر ضيف دائم ومحبوب، خصوصًا في رمضان. بنستمتع بحلاوته ونرمي النواة من غير ما نفكر… لكن لحظة! هل كنتِ تعرفي إن نواة التمر كنز مهمل؟
نعم، الكنز ده كان زمان سر من أسرار الجدّات، ووقته رجع تاني. وعلشان كده، جايبالك النهارده أفكار واستخدامات مذهلة لنواة التمرهتخليكي مستحيل ترميها بعد كده!
أولًا: تنظيف نواة التمر
قبل أي استخدام، لازم:
-
تغسلي النواة كويس جدًا بالمياه.
-
تنقعيها شوية علشان تتخلصي من أي بقايا لزجة.
-
تفرديها على فوطة في الشمس يومين لحد ما تنشف تمامًا.
طيب، نواة التمر هتعملي بيها إيه؟ تعالي شوفي:
1. قهوة نواة التمر: بديل صحي وقوي
-
حمّصي النواة في طاسة على نار هادية لحد ما تاخد لون بني غامق (زي البن تمامًا).
-
بعد كده اطحنيها كويس جدًا.
-
استخدميها زي ما بتعملي القهوة العادية، بمياه مغلية وسكر حسب الرغبة.
النتيجة؟
طاقة، تركيز، طعم مميز، وكمان بدون كافيين! مناسبة جدًا لمرضى الضغط أو اللي عاوزين يقللوا من شرب القهوة.
2. زيت نواة التمر: ذهب سائل للبشرة والشعر
-
فيه شركات بتستخلصه، لكن ممكن تعمليه في البيت بطريقة بسيطة:
-
اطحني النواة كويس.
-
انقعيها في زيت (زي زيت الزيتون أو جوز الهند) لمدة أسبوعين.
-
استخدميه كحمام زيت أو سيروم خفيف.
-
الفائدة؟
بيساعد على تطويل الشعر، تقوية البصيلات، ترطيب البشرة، وتأخير التجاعيد.
3. بودرة تقشير طبيعية للبشرة
-
بعد طحن نواة التمر المحمصة، خدي منها معلقة واخلطيها مع عسل أو زبادي.
-
افرديها على وشك، وافركي بلطف.
النتيجة؟
تقشير طبيعي، نظافة عميقة، ولمعان طبيعي للبشرة من أول استخدام!